საიტზე მიმდინარეობს ტექნიკური სამუშაოები

დავით ზალკალიანმა, ავღანეთიდან მოქალაქეების ევაკუაციის ოპერაციაში გაწეული სამუშაოსთვის, სამინისტროს თანამშრომლებს მადლობა გადაუხადა

საქართველოს ვიცე-პრემიერმა, საგარეო საქმეთა მინისტრმა დავით ზალკალიანმა, ავღანეთიდან მოქალაქეების ევაკუაციის ოპერაციაში გაწეული სამუშაოსთვის, სამინისტროს თანამშრომლებს მადლობა გადაუხადა. 

მინისტრის თქმით, საგარეო საქმეთა სამინისტრომ, თავდაცვის სამინისტროსთან და მთავრობის ადმინისტრაციასთან ერთად შეძლო საქართველოს მოქალაქეების ავღანეთიდან უსაფრთხოდ გამოყვანა. 

ამასთან, ჰუმანიტარულ მისიაში  საქართველომ ჰაბის ფუნქცია იტვირთა და  თბილისის გავლით, ავღანეთიდან ევაკუირებული 2500-ზე მეტი მოქალაქის გამგზავრება მოხდა.  
„დღეს მქონდა შეხვედრა ჩემს თანამშრომლებთან, იმ ადამიანებთან ვინც იყვნენ ჩართული ამ პროცესში და ჩვენს დასავლელ პარტნიორებთან ერთად აქტიური თანამშრომლობით შეძლეს  პროცესის უსაფრთხოდ განხორციელება. ძალიან მადლიერი ვარ ჩვენი თანამშრომლების.  ყოველდღიურად  ვიღებთ ჩვენი პარტნიორებისგან სამადლობელ წერილებსა და გზავნილებს ავღანეთში ჰუმანიტარული მისიის პროცესში გახორციელებული ეფექტიანი თანამშრომლობისთვის“ -აღნიშნა ზალკალიანმა. 
იმ ღირებული წვლილისთვის, რომელიც საქართველომ შეიტანა საერთაშორისო ძალისხმევაში ავღანეთიდან საევაკუაციო ფრენების განხორციელებისას, ქართულ მხარეს ნორვეგიის სახელით მადლობა გადაუხადა საქართველოში ნორვეგიის ელჩმა ჰელენე სანდ ანდრესენმა.

მან ხაზგასმით აღნიშნა საქართველოს ის უმნიშვნელოვანესი ფუნქცია, რომელიც საქართველომ შეასრულა ნორვეგიის მოქალაქეებისა და სამხედროების, ასევე, საერთაშორისო ორგანიზაციების  წარმომადგენლების სასწრაფო ევაკუაციისა და ჰუმანიტარული პროცესების მართვის მიზნით. ელჩმა განსაკუთრებული მადლიერება გამოხატა საქართველოს საგარეო უწყების მიმართ ოპერატიული და ეფექტიანი თანამშრომლობისთვის.


19-იანვარი-2022

19-იანვარი-2022

ნატოს გენერალურმა მდივანმა მკაფიო პოზიცია დააფიქსირა, რომ ნატოს მიერ მიღებული გადაწყვეტილებების გადახედვა არ მოხდება - დავით ზალკალიანი

„ძალიან ნაყოფიერი შეხვედრა იყო ნატოს გენერალურ მდივანთან და ყველა მოლოდინი, რაც მქონდა, კიდევ ერთხელ დადასტურდა აღნიშნულ შეხვედრაზე. გენერალურმა მდივანმა მკაფიო პოზიცია დააფიქსირა იმასთან დაკავშირებით, რომ არ იქნება არანაირი გადახედვა ნატოს მიერ მიღებული გადაწყვეტილებების, რომ მთავარი პრიორიტეტი და ...

18-იანვარი-2022

18-იანვარი-2022

ნატოელი პარტნიორების მხრიდან კიდევ ერთხელ მივიღეთ საქართველოს მიმართ მტკიცე მხარდაჭერის რწმუნება - დავით ზალკალიანი

საქართველოს ვიცე-პრემიერმა, საგარეო საქმეთა მინისტრმა ბრიუსელში ვიზიტის ფარგლებში, შეხვედრა გამართა ნატო-ს წევრი ქვეყნების მუდმივ წარმომადგენლებთან ალიანსში, სადაც საქართველომ პარტნიორი ქვეყნების მხრიდან კიდევ ერთხელ მიიღო მტკიცე მხარდაჭერა ქვეყნის ევრო-ატლანტიკური ინტეგრაციის და როგორც ალიანსის, ას...

17-იანვარი-2022

17-იანვარი-2022

​საქართველოს საგარეო საქმეთა სამინისტროს განცხადება იემენში ჰუსიტების მიერ არაბთა გაერთიანებული საემიროების დროშის ქვეშ მცურავი გემის- „რავა...

საქართველოს საგარეო საქმეთა სამინისტრო გამოხატავს შეშფოთებას მიმდინარე წლის 2 იანვარს იემენში, ჰოდეიდას ნაპირთან ჰუსიტების მიერ არაბთა გაერთიანებული საემიროების დროშის ქვეშ მცურავი გემის - „რავაბის“ გატაცებასთან დაკავშირებით.

15-იანვარი-2022

15-იანვარი-2022

სახელმწიფო მდივნის თანაშემწემ დავით ზალკალიანთან საუბრისას მხარდაჭერა გამოუცხადა საქართველოს და აღნიშნა, რომ ვაშინგტონი გააგრძელებს თბილისთა...

2022 წლის 14 იანვარს გაიმართა საქართველოს ვიცე-პრემიერის, საგარეო საქმეთა მინისტრის, დავით ზალკალიანის სატელეფონო საუბარი აშშ-ის სახელმწიფო მდივნის თანაშემწესთან, კარენ დონფრიდთან. საუბრისას მხარეებმა გაცვალეს მოსაზრებები და ინფორმაცია რეგიონში შექმნილ უსაფრთხოების გარემოსთან დაკავშირებით და აშშ-სა ...

< 1 2 3 4 5  ... >