საიტზე მიმდინარეობს ტექნიკური სამუშაოები

ნატო-ს გენერალურმა მდივანმა წლიური ეროვნული პროგრამის განხილვისას საქართველოს შთამბეჭდავ პროგრესზე ისაუბრა

საქართველო წინ მიიწევს და ეფექტიანად იყენებს ყველა მექანიზმს ინტეგრაციის გზაზე, რაც მას ნატო-ს წევრობასთან აახლოებს. საქართველომ შთამბეჭდავ პროგრესს მიაღწია ყოვლისმომცველი რეფორმების იმპლემენტაციის პროცესში და საქართველო წარმოადგენს თვალსაჩინო მაგალითს დემოკრატიული განვითარების თვალსაზრისით. ამის შესახებ ნატოს გენერალურმა მდივანმა ნატო-საქართველოს კომისიის სხდომაზე ისაუბრა, რომელიც ნატო-ს შტაბ-ბინაში მუდმივი წარმომადგენლების დონეზე გაიმართა.

სტოლტენბერგის განცხადებით, 2018 წელი ნატო-საქართველოს ურთიერთობების თვალსაზრისით საკმაოდ დინამიური იყო. რისი ნათელი დადასტურებაა, ივლისის სამიტის ფარგლებში ჩრდილოატლანტიკური საბჭოს შეხვედრა საქართველოსთან და უკრაინასთან უმაღლეს დონეზე და ერთობლივი განცხადების მიღება.

ნატო-საქართველოს კომისიის მუშაობაში საქართველოს მხრიდან მონაწილეობდა საგარეო საქმეთა მინისტრის მოადგილე ვახტანგ მახარობლიშვილი. შეხვედრაზე საქართველოს 2018 წლის წლიური ეროვნული პროგრამის შეფასების დოკუმენტი განიხილეს.

მოკავშირეების მხრიდან უაღრესად პოზიტიურად იქნა შეფასებული საქართველოს მიერ წლიური ეროვნული პროგრამის შესრულება, ქვეყანაში განხორციელებული დემოკრატიული, ეკონომიკისა და თავდაცვის სექტორის რეფორმები.

საუბარი შეეხო შავი ზღვის რეგიონის უსაფრთხოების საკითხებს. აღინიშნა, რომ ალიანსი შეშფოთებულია რუსეთის აგრესიული ქმედებების გამო, როგორც საქართველოს, ასევე უკრაინასთან მიმართებაში. მოკავშირეებმა მზადყოფნა გამოთქვეს, რათა გაღრმავდეს თანამშრომლობა საქართველოსთან შავი ზღვის უსაფრთხოების განმტკიცების მიმართულებით.

შეხვედრაზე განხილულ იქნა საქართველოს ოკუპირებულ ტერიტორიებზე არსებული მდგომარეობა. საქართველოს საგარეო საქმეთა მინისტრის მოადგილემ მოკავშირეებს მიაწოდა ინფორმაცია აფხაზეთისა და ე.წ. სამხრეთ ოსეთის რეგიონებში რუსეთის სამხედრო ყოფნის გაძლიერებისა და მძიმე უსაფრთხოებისა, ისევე მძიმე ჰუმანიტარული სიტუაციის შესახებ.

სხდომაზე, ალიანსის მხრიდან პოლიტიკური მხარდაჭერის გარდა, გამოიხატა მზაობა, გაგრძელდეს საქართველოს პრაქტიკული დახმარება, მათ შორის ნატო-საქართველოს არსებით ღონისძიებათა პაკეტის ფარგლებში მიმდინარე პროექტების იმპლემენტაციის კუთხით, რაც უზრუნველყოფს ქვეყნის თავდაცვისუნარიანობის გაძლიერება.

შეხვედრაზე აღინიშნა, რომ საქართველოს როგორც ნატო-ს ასპირანტ ქვეყანას, მნიშვნელოვანი წვლილი შეაქვს საერთო ევროატლანტიკურ უსაფრთხოებაში.

19-ივნისი-2019

19-ივნისი-2019

საქართველოს ელჩმა შეხვედრა გამართა მალდივის პარლამენტის სპიკერთან

მალდივის რესპუბლიკაში ვიზიტის ფარგლებში, საქართველოს ელჩმა, არჩილ ძულიაშვილმა გამართა შეხვედრა მალდივის პარლამენტის (სახალხო მაჯლისის) სპიკერთან, ყოფილ პრეზიდენტთან მოჰამედ ნაშიდთან.

18-ივნისი-2019

18-ივნისი-2019

დავით ზალკალიანი ინდოეთის ელჩს შეხვდა

საქართველოს საგარეო საქმეთა მინისტრმა დავით ზალკალიანმა მიიღო ინდოეთის რესპუბლიკის ელჩი საქართველოში (რეზიდენციით ქ. ერევანი) იოგეშვარ სანგვანი, რომელიც მიმდინარე წლის 1 ივლისს ასრულებს თავის მოღვაწეობას საქართველოში ელჩის რანგში.

18-ივნისი-2019

18-ივნისი-2019

საქართველოს ელჩის შეხვედრა მალდივის რესპუბლიკის ტურიზმის მინისტრთან და ხელმოწერილი მემორანდუმი

მალდივის რესპუბლიკაში საქართველოს ელჩის (რეზიდენციით ქ. ნიუ დელიში), არჩილ ძულიაშვილის მალდივებზე ვიზიტის ფარგლებში, გაიმართა შეხვედრა მალდივის რესპუბლიკის ტურიზმის მინისტრთან, ალი ვაჰიდთან.

18-ივნისი-2019

18-ივნისი-2019

საქართველოს ელჩის შეხვედრა შეხვედრა მალდივის რესპუბლიკის საგარეო საქმეთა მინისტრთან და ხელმოწერილი მემორანდუმი

მალდივებზე ვიზიტის ფარგლებში, საქართველოს ელჩმა, არჩილ ძულიაშვილმა გამართა შეხვედრა მალდივის რესპუბლიკის საგარეო საქმეთა მინისტრთან, აბდულა შაჰიდთან, რომლის დროს ხელი მოეწერა ურთიერთგაგების მემორანდუმს.

< 1 2 3 4 5  ... >