საიტზე მიმდინარეობს ტექნიკური სამუშაოები

საქართველოს დამოუკიდებლობის დღისა და პირველი დემოკრატიული რესპუბლიკის გამოცხადებიდან 101 წლის იუბილისადმი მიძღვნილი ოფიციალური მიღება

2019 წლის 27 სექტემბერს, ინდოეთის რესპუბლიკაში საქართველოს საელჩოს ორგანიზებით, ქ. ნიუ დელის სასტუმრო „Taj Mahal Hotel“-ში გაიმართა საქართველოს დამოუკიდებლობის დღისა და პირველი დემოკრატიული რესპუბლიკის გამოცხადებიდან 101 წლის იუბილისადმი მიძღვნილი ოფიციალური მიღება, რომელსაც დაესწრნენ ინდოეთში აკრედიტებული დიპლომატიური კორპუსის, ინდოეთის მთავრობის, საქმიანი და ბიზნეს წრეების, კულტურისა და განათლების სფეროს წარმომადგენლები, საქართველოს საპატიო კონსულები ქ. მუმბაიში, ბანგლადეშში, მალდივებზე, ქართული საგანმანათლებლო ინსტიტუტების და ტურისტული კომპანიების წარმომადგენლები.

მიღებას მთავარი სტუმრის სტატუსით დაესწრო ინდოეთის რესპუბლიკის ტურიზმისა და კულტურის სახელმწიფო მინისტრი ბ-ნი პრაჰლად სინგჰ პატელი.

დამსწრე საზოგადოებას მისასალმებელი სიტყვით მიმართეს საქართველოს ელჩმა არჩილ ძულიაშვილმა და მთავარმა სტუმარმა. ელჩმა მიულოცა მინისტრს და სტუმრებს ტურიზმის მსოფლიო დღესთან დაკავშირებით და აღნიშნა ტურიზმის მნიშვნელობის შესახებ ხალხთა შორის ცნობადობისა და კავშირების გამყარების მიმართებით. 

26 წლის წინ, 1993 წლის 27 სექტემბერს, საოკუპაციო ძალების მიერ სოხუმის ხელში ჩაგდებასთან დაკავშირებულ ტრაგიკულ მოვლენებზე საუბრისას, რომლის შედეგად მრავალი ქართველი გახდა იძულებული დაეტოვებინა საკუთარი სახლი, ელჩმა ხაზი გაუსვა, რომ საქართველო მტკიცედ დგას ტერიტორიული მთლიანობის პოზიციაზე და მიაღწია მნიშვნელოვან პროგრესს დემოკრატიული ტრანსფორმაციის, მდგრადი განვითარებისა და კეთილდღეობის თვალსაზრისით. ეჭვგარეშეა, რომ აღდგება საქართველოს ტერიტორიული მთლიანობა და ყველა იძულებით გადაადგილებული პირი დაუბრუნდება საკუთარ სახლს უსაფრთხო და ღირსეული გზით.

ელჩმა გამოთქვა მადლიერება ინდოეთის მთავრობის მიმართ საქართველოს ტერიტორიული მთლიანობისა და სუვერენიტეტის მხარდაჭერისათვის. ასევე, მან ისაუბრა ინდოეთსა და საქართველოს შორის ურთიერთობების განვითარების დადებით დინამიკაზე, რომელიც ემყარება ამ ორ ქვეყანას შორის საუკუნოვან ურთიერთობებს, საერთო ღირებულებებსა და თანამშრომლობის კიდევ უფრო მაღალი დონეების მიღწევის ორმხრივ სურვილს.

დასასრულს, ელჩმა მიულოცა მინისტრს და სტუმრებს ინდოეთის მთავრობიდან მორიგი არჩევნების წარმატებით ჩატარებასთან დაკავშირებით, რომლებსაც სამართლიანად ეწოდა „დემოკრატიის ფესტივალი“. 

ღონისძიების მუსიკალურ გაფორმებას ახორციელებდა საქართველოდან ჩამოსული მომღერალთა ტრიო, რომელმაც შეასრულა ინდური და ქართული ქალაქური სიმღერები. ასევე, მიმდინარეობდა საქართველოს რეგიონების, მისი კულტურის, ტრადიციებისა და ისტორიული ძეგლების ამსახველი სარეკლამო რგოლების ჩვენება. მიღებაზე წარმოდგენილი იყო ქართული ღვინოები და სხვა სასმელები, ასევე ქართული ტრადიციული კერძები.

 

 






18-თებერვალი-2020

18-თებერვალი-2020

ინდოეთის რესპუბლიკაში საქართველოს საგანგებო და სრულუფლებიანმა ელჩის, ბ-ნ არჩილ ძულიაშვილის შეხვედრა ინდოეთის საგარეო საქმეთა სამინისტროს დას...

2020 წლის 18 თებერვალს ინდოეთის რესპუბლიკაში საქართველოს ელჩმა არჩილ ძულიაშვილმა შეხვედრა გამართა ინდოეთის საგარეო საქმეთა სამინისტროს დასავლეთის მიმართულების მდივანთან ბ-ნ ვიკას სვარუპთან. მხარეებმა ისაუბრეს საქართველოსა და ინდოეთს შორის არსებული მეგობრული ურთიერთობებისა და სხვადასხვა სფეროში მიმდ...

17-თებერვალი-2020

17-თებერვალი-2020

დავით ზალკალიანმა ინდოელ კოლეგას ანიტა ფაცაციას სიცოცხლის შესანარჩუნებლად ინდური მხარის მიერ გაწეული ძალისხმევისთვის მადლობა გადაუხადა

14.02.2020 ქ. მიუნხენი- მიუნხენის საერთაშორისო კონფერენციის ფარგლებში საქართველოს საგარეო საქმეთა მინისტრმა დავით ზალკალიანმა შეხვედრა გამართა ინდოეთის რესპუბლიკის საგარეო საქმეთა მინისტრთან სუბრაჰმანიამ ჯაიშანკართან.

14-თებერვალი-2020

14-თებერვალი-2020

ინდოეთის რესპუბლიკაში საქართველოს ელჩის შეხვედრა ინდოეთის სამოქალაქო ავიაციის სახელმწიფო მინისტრთან, ჰარდიპ სინგჰ პურისთან

2020 წლის 14 თებერვალს ინდოეთის რესპუბლიკაში საქართველოს ელჩმა შეხვედრა გამართა ინდოეთის სამოქალაქო ავიაციის სახელმწიფო მინისტრთან ჰარდიპ სინგჰ პურისთან.

11-თებერვალი-2020

11-თებერვალი-2020

საქართველოს საგარეო საქმეთა სამინისტროს განცხადება ტაილანდის სამეფოში მომხდარ ტრაგიკულ მოვლენებთან დაკავშირებით

11.02.2020 - საქართველოს საგარეო საქმეთა სამინისტრო გამოთქვამს ღრმა მწუხარებას 2020 წლის 8 თებერვალს ტაილანდში, ქალაქ ნახონ რატჩასიმაში (Nakhon Ratchasima) განვითარებული ტრაგიკული მოვლენების გამო, რის შედეგადაც დაიღუპა 29 და დაშავდა 50 ზე მეტი ადამიანი.

< 1 2 3 4 5  ... >