საიტზე მიმდინარეობს ტექნიკური სამუშაოები

საქართველოსა და მალდივების საგარეო საქმეთა სამინისტროებს შორის პირველი პოლიტიკური კონსულტაციები გაიმართა

2019 წლის 10 -11 დეკემბერს საქართველოს საგარეო საქმეთა სამინისტროს დელეგაცია, მინისტრის მოადგილის ალექსანდრე ხვთისიაშვილის ხელმძღვანელობით სამუშაო ვიზიტით ეწვია მალდივის რესპუბლიკის დედაქალაქ მალეს, სადაც 11 დეკემბერს საქართველოსა და მალდივების საგარეო საქმეთა სამინისტროებს შორის გაიმართა პირველი პოლიტიკური კონსულტაციები. მალდივების მხრიდან კონსულტაციებს ხელმძღვანელობდა მალდივის რესპუბლიკის საგარეო საქმეთა სამინისტროს სახელმწიფო მინისტრი აჰმედ ხალილი (Ahmed Khaleel). ქართული დელეგაციის შემადგენლობაში შედიოდნენ მალდივის რესპუბლიკაში საქართველოს საგანგებო და სრულუფლებიანი ელჩი (რეზიდენციით ქ. ნიუ დელი) არჩილ ძულიაშვილი, საქართველოს საგარეო საქმეთა სამინისტროს აზიისა და ოკეანეთის ქვეყნების დეპარტამენტის დირექტორი დავით კერესელიძე და მალდივის რესპუბლიკაში საქართველოს საპატიო კონსული აბდულ მაჯიდი.

ორმხრივი კონსულტაციების მთავარ ამოცანას წარმოადგენდა ორ ქვეყანას შორის თანამშრომლობის პრიორიტეტული მიმართულებების განსაზღვრა და კონკრეტული სამოქმედო გეგმის შემუშავება.

კონსულტაციებზე მხარეების მიერ განხილულ იქნა ორმხრივი ურთიერთობების დღის წესრიგში არსებული აქტუალური საკითხები, მათ შორის ვიზიტების გაცვლის, სამართლებრივი ბაზის განვითარების და საკანონმდებლო ორგანოებს შორის მეგობრული კავშირების დამყარების მიმართულებით, ასევე ხაზი გაესვა სავაჭრო-საინვესტიციო, სოფლის მეურნეობის, ტურიზმის, განათლების, ჯანდაცვისა და კულტურის სფეროებში თანამშრომლობის გააქტიურების აუცილებლობას. განხილულ იქნა მრავალმხრივი და რეგიონული თანამშრომლობის ფორმატები.
 
ხაზი გაესვა 2020 წელს ორ ქვეყანას შორის დიპლომატიური ურთიერთობების დამყარებიდან 10 წლის იუბილეს სათანადოდ აღნიშვნის მნიშვნელობას. მხარეებმა გაცვალეს ინფორმაცია სამხრეთ კავკასიის და სამხრეთ აზიის რეგიონში არსებული ვითარების შესახებ.  მალდივების სახელმწიფო მინისტრმა კიდევ ერთხელ ხაზი გაუსვა მალდივების მხარის მტკიცე მხარდამჭერ პოზიციას საქართველოს სუვერენიტეტისა და ტერიტორიული მთლიანობის მიმართ.


 

 

 

 

18-თებერვალი-2020

18-თებერვალი-2020

ინდოეთის რესპუბლიკაში საქართველოს საგანგებო და სრულუფლებიანმა ელჩის, ბ-ნ არჩილ ძულიაშვილის შეხვედრა ინდოეთის საგარეო საქმეთა სამინისტროს დას...

2020 წლის 18 თებერვალს ინდოეთის რესპუბლიკაში საქართველოს ელჩმა არჩილ ძულიაშვილმა შეხვედრა გამართა ინდოეთის საგარეო საქმეთა სამინისტროს დასავლეთის მიმართულების მდივანთან ბ-ნ ვიკას სვარუპთან. მხარეებმა ისაუბრეს საქართველოსა და ინდოეთს შორის არსებული მეგობრული ურთიერთობებისა და სხვადასხვა სფეროში მიმდ...

17-თებერვალი-2020

17-თებერვალი-2020

დავით ზალკალიანმა ინდოელ კოლეგას ანიტა ფაცაციას სიცოცხლის შესანარჩუნებლად ინდური მხარის მიერ გაწეული ძალისხმევისთვის მადლობა გადაუხადა

14.02.2020 ქ. მიუნხენი- მიუნხენის საერთაშორისო კონფერენციის ფარგლებში საქართველოს საგარეო საქმეთა მინისტრმა დავით ზალკალიანმა შეხვედრა გამართა ინდოეთის რესპუბლიკის საგარეო საქმეთა მინისტრთან სუბრაჰმანიამ ჯაიშანკართან.

14-თებერვალი-2020

14-თებერვალი-2020

ინდოეთის რესპუბლიკაში საქართველოს ელჩის შეხვედრა ინდოეთის სამოქალაქო ავიაციის სახელმწიფო მინისტრთან, ჰარდიპ სინგჰ პურისთან

2020 წლის 14 თებერვალს ინდოეთის რესპუბლიკაში საქართველოს ელჩმა შეხვედრა გამართა ინდოეთის სამოქალაქო ავიაციის სახელმწიფო მინისტრთან ჰარდიპ სინგჰ პურისთან.

11-თებერვალი-2020

11-თებერვალი-2020

საქართველოს საგარეო საქმეთა სამინისტროს განცხადება ტაილანდის სამეფოში მომხდარ ტრაგიკულ მოვლენებთან დაკავშირებით

11.02.2020 - საქართველოს საგარეო საქმეთა სამინისტრო გამოთქვამს ღრმა მწუხარებას 2020 წლის 8 თებერვალს ტაილანდში, ქალაქ ნახონ რატჩასიმაში (Nakhon Ratchasima) განვითარებული ტრაგიკული მოვლენების გამო, რის შედეგადაც დაიღუპა 29 და დაშავდა 50 ზე მეტი ადამიანი.

< 1 2 3 4 5  ... >