საიტზე მიმდინარეობს ტექნიკური სამუშაოები

ინდოეთის რესპუბლიკის ელჩმა დავით ზალკალიანს რწმუნებათა სიგელების ასლები გადასცა

08.11.2019, თბილისი - საქართველოს საგარეო საქმეთა მინისტრმა დავით ზალკალიანმა მიიღო ინდოეთის რესპუბლიკის ახალი ელჩი საქართველოში (რეზიდენციით  ქ. ერევანი)  კიშან დან დევალი. ინდოეთის ელჩმა მინისტრს გადასცა რწმუნებათა სიგელების ასლები (აგრემანი გაიცა 2019 წლის 7 ოქტომბერს).

შეხვედრის დროს განხილულ იქნა საქართველოსა და  ინდოეთს შორის ორმხივი და მრავალმხრივი ურთიერთობების საკითხები და შემდგომი თანამშრომლობის პერსპექტივები. მხარეები შეთანხმდნენ, რომ ორ ქვეყანას შორის ურთიერთობები ინტენსიურად ვითარდება. ხაზი გაესვა პოლიტიკური და ეკონომიკური თანამშრომლობის არსებული პოტენციალის გამოყენების აუცილებლობას. ამ კონტექსტში ხაზი გაესვა ბიზნესის წრეებს შორის კონტაქტების გააქტიურებისა და ხალხთაშორისი კავშირების ხელშეწყობის მნიშვნელობას. მინისტრმა ყურადღება გაამახვილა ასევე, საქართველოსა და ინდოეთს შორის თავისუფალი ვაჭრობის შესახებ შეთანხმებაზე (Free Trade Agreement - FTA) მოლაპარაკებების დასრულებაზე, რაც ხელს შეუწყობს ორმხრივი ვაჭრობის შემდგომ გაფართოებას. მხარეებმა აღნიშნეს, რომ ორი ქვეყნის კიდევ უფრო დაახლოებისთვის უდიდესი მნიშვნელობა ენიჭება კულტურისა და განათლების სფეროებში თანამშრომლობის კიდევ უფრო გაფართოებას.

 
შეხვედრაზე ორივე მხარემ კმაყოფილება გამოხატა, რომ საქართველო და ინდოეთი წარმატებით თანამშრომლობენ მრავალმხრივ ფორმატშიც, განსაკუთრებით საერთაშორისო ორგანიზაციებში ერთმანეთის ინიციატივების და კანდიდატურების მხარდაჭერის თვალსაზრისით. ინდოეთის ელჩმა მადლობა გადაუხადა მინისტრს მხარდაჭერებისთვის საერთაშორისო ორგანიზაციებში მხარდაჭერებისთვის.
 
მინისტრმა ინდოეთის ელჩს  წარმატებები უსურვა მის მომავალ საქმიანობაში და იმედი გამოხატა, რომ მისი საქმიანობის პერიოდში ჩვენ ქვეყნებს შორის ნაყოფიერი თანამშრომლობა კიდევ უფრო გააქტიურდება.

 

 

29-მარტი-2020

29-მარტი-2020

საზღვარგარეთ მყოფი საქართველოს მოქალაქეების საყურადღებოდ

ბოლო პერიოდში, სოციალურ ქსელებში გააქტიურდნენ კერძო პირები და გარკვეული, მათ შორის პოლიტიკური ჯგუფები, რომლებიც საზღვარგარეთ მყოფ ჩვენს მოქალაქეებს საქართველოში დაბრუნებას პირდებიან და ამისთვის პირად მონაცემებს და კითხვარის შევსებას სთხოვენ .

28-მარტი-2020

28-მარტი-2020

საგარეო საქმეთა სამინისტროს განცხადება

დღეს, 28 მარტს, სამი წელი შესრულდა მას შემდეგ, რაც საქართველოს მოქალაქეები უვიზოდ მოგზაურობენ ევროკავშირის ქვეყნებში/შენგენის სივრცეში.

27-მარტი-2020

27-მარტი-2020

ნატო-ს გენერალური მდივანი- საქართველო წარმატებით უმკლავდება პანდემიას

2020 წლის 27 მარტს ნატო-ს გენერალური მდივნის, იენს სტოლტენბერგის ინიციატივით გაიმართა სატელეფონო საუბარი საქართველოს საგარეო საქმეთა მინისტრთან, დავით ზალკალიანთან.

26-მარტი-2020

26-მარტი-2020

საქართველოს საელჩო ქ. ნიუ დელიში გადასულია მუშაობის საგანგებო რეჟიმზე, მოქმედებს ცხელი ხაზი მითითებულ ნომერზე +91 920 54 88 477

მსოფლიოს მასშტაბით კორონავირუსის (COVID-19) გავრცელების დინამიკის გათვალისწინებით, საქართველოს საელჩო ქ. ნიუ დელიში გადასულია მუშაობის საგანგებო რეჟიმზე, მოქმედებს ცხელი ხაზი მითითებულ ნომერზე +91 920 54 88 477.

< 1 2 3 4 5  ... >