საიტზე მიმდინარეობს ტექნიკური სამუშაოები

ინფორმაცია საქართველოს საგარეო საქმეთა მინისტრის პირველ მოადგილეს, ლაშა დარსალიასა და უკრაინის საგარეო საქმეთა მინისტრის პირველ მოადგილეს, ემინე ჯაფაროვას შორის 2022 წლის 6 იანვარს გამართული სატელეფონო საუბრის შესახებ

2022 წლის 6 იანვარს გაიმართა საქართველოს საგარეო საქმეთა მინისტრის პირველი მოადგილის, ლაშა დარსალიას სატელეფონო საუბარი უკრაინის საგარეო საქმეთა მინისტრის პირველ მოადგილესთან, ემინე ჯაფაროვასთან.

საუბრისას მხარეებმა განიხილეს რეგიონში შექმნილი მწვავე უსაფრთხოების გარემო, რუსეთის ფედერაციის მცდელობები საქართველოსა და უკრაინის ევრო-ატლანტიკური ინტეგრაციის  შეფერხების მიზნით, უკრაინის ირგვლივ განვითარებული მოვლენები და საქართველოს ოკუპირებულ ტერიტორიებზე არსებული ვითარება. 

საუბრისას ხაზი გაესვა, რომ რუსეთის ბოლოდროინდელი მცდელობები, მუქარისა და ულტიმატუმების გზით შეინარჩუნოს გავლენის სფეროები მეზობელ სუვერენულ სახელმწიფოებზე და შეაფერხოს საქართველოსა და უკრაინის ნატოში ინტეგრაცია, ეწინააღმდეგება საერთაშორისო სამართლის ფუნდამენტურ პრინციპებსა და ნორმებს, და ძირს უთხრის შავი ზღვის რეგიონისა და მთლიანად ევროპის უსაფრთხოების არქიტექტურას.

ლაშა დარსალიამ აღნიშნა, რომ ამ ფონზე კიდევ უფრო შემაშფოთებელია რუსეთის ფედერაციის მიერ საქართველოს ოკუპირებული რეგიონების ანექსიისკენ გადადგმული ნაბიჯებისა და სხვა პროვოკაციული ქმედებების გააქტიურება. მან ხაზი გაუსვა რუსეთის მიერ საქართველოსა და უკრაინის წინაშე აღებული საერთაშორისო ვალდებულებების, მათ შორის, ევროკავშირის შუამავლობით დადებული 2008 წლის 12 აგვისტოს ცეცხლის შეწყვეტის შესახებ შეთანხმებისა და მინსკის შეთანხმებებით ნაკისრი ვალდებულებების შესრულების აუცილებლობას.
 
მხარეებმა ხაზი გაუსვეს არსებული მწვავე ვითარების ფონზე საერთაშორისო ასპარეზზე კოორდინირებული ქმედებების მნიშვნელობას და შეთანხმდნენ, რომ მომავალშიც განაგრძობენ კონსულტაციებს რეგიონული უსაფრთხოების საკითხებზე. საუბრის დასასრულს, საქართველოს საგარეო საქმეთა მინისტრის პირველმა მოადგილემ მადლობა გადაუხადა უკრაინელ კოლეგას საქართველოს სუვერენიტეტისა და ტერიტორიული მთლიანობის ურყევი მხარდაჭერისთვის. მან ასევე გამოხატა მტკიცე მხარდაჭერა უკრაინის სუვერენიტეტისა და ტერიტორიული მთლიანობის მიმართ და უკრაინელ კოლეგას ყირიმის პლატფორმის ფარგლებში თანამშრომლობის გაგრძელების მზადყოფნა აღუთქვა.

19-იანვარი-2022

19-იანვარი-2022

ნატოს გენერალურმა მდივანმა მკაფიო პოზიცია დააფიქსირა, რომ ნატოს მიერ მიღებული გადაწყვეტილებების გადახედვა არ მოხდება - დავით ზალკალიანი

„ძალიან ნაყოფიერი შეხვედრა იყო ნატოს გენერალურ მდივანთან და ყველა მოლოდინი, რაც მქონდა, კიდევ ერთხელ დადასტურდა აღნიშნულ შეხვედრაზე. გენერალურმა მდივანმა მკაფიო პოზიცია დააფიქსირა იმასთან დაკავშირებით, რომ არ იქნება არანაირი გადახედვა ნატოს მიერ მიღებული გადაწყვეტილებების, რომ მთავარი პრიორიტეტი და ...

18-იანვარი-2022

18-იანვარი-2022

ნატოელი პარტნიორების მხრიდან კიდევ ერთხელ მივიღეთ საქართველოს მიმართ მტკიცე მხარდაჭერის რწმუნება - დავით ზალკალიანი

საქართველოს ვიცე-პრემიერმა, საგარეო საქმეთა მინისტრმა ბრიუსელში ვიზიტის ფარგლებში, შეხვედრა გამართა ნატო-ს წევრი ქვეყნების მუდმივ წარმომადგენლებთან ალიანსში, სადაც საქართველომ პარტნიორი ქვეყნების მხრიდან კიდევ ერთხელ მიიღო მტკიცე მხარდაჭერა ქვეყნის ევრო-ატლანტიკური ინტეგრაციის და როგორც ალიანსის, ას...

17-იანვარი-2022

17-იანვარი-2022

​საქართველოს საგარეო საქმეთა სამინისტროს განცხადება იემენში ჰუსიტების მიერ არაბთა გაერთიანებული საემიროების დროშის ქვეშ მცურავი გემის- „რავა...

საქართველოს საგარეო საქმეთა სამინისტრო გამოხატავს შეშფოთებას მიმდინარე წლის 2 იანვარს იემენში, ჰოდეიდას ნაპირთან ჰუსიტების მიერ არაბთა გაერთიანებული საემიროების დროშის ქვეშ მცურავი გემის - „რავაბის“ გატაცებასთან დაკავშირებით.

15-იანვარი-2022

15-იანვარი-2022

სახელმწიფო მდივნის თანაშემწემ დავით ზალკალიანთან საუბრისას მხარდაჭერა გამოუცხადა საქართველოს და აღნიშნა, რომ ვაშინგტონი გააგრძელებს თბილისთა...

2022 წლის 14 იანვარს გაიმართა საქართველოს ვიცე-პრემიერის, საგარეო საქმეთა მინისტრის, დავით ზალკალიანის სატელეფონო საუბარი აშშ-ის სახელმწიფო მდივნის თანაშემწესთან, კარენ დონფრიდთან. საუბრისას მხარეებმა გაცვალეს მოსაზრებები და ინფორმაცია რეგიონში შექმნილ უსაფრთხოების გარემოსთან დაკავშირებით და აშშ-სა ...

< 1 2 3 4 5  ... >