საიტზე მიმდინარეობს ტექნიკური სამუშაოები

ბანგკოკი-თბილისის მიმართულებით პირდაპირი ჩარტერული ავიარეისების განხორციელება დაიწყება

ტაილანდის სამეფოში საქართველოს ელჩმა (რეზიდენციით ქ. ნიუ დელიში) არჩილ ძულიაშვილმა ბანგკოკში მისი სამუშაო ვიზიტის ფარგლებში, 2019 წლის 25 ოქტომბერს შეხვედრა გამართა კომპანია "Thai AirAsia X"-ის მთავარ აღმასრულებელ ხელმძღვანელთან ნადდა ბურანასირისთან. ა.წ. 28 დეკემბრიდან კომპანია იწყებს ბანგკოკი-თბილისის მიმართულებით პირდაპირი ჩარტერული ავიარეისების განხორციელებას, რაც მნიშვნელოვნად შეუწყობს ხელს ორ ქვეყანას შორის ტურიზმის სფეროში თანამშრომლობის განვითარებას. 

აღსანიშნავია, რომ 2019 წლის აპრილიდან ტაილანდში მგზავრობის მსურველ საქართველოს მოქალაქეებს შესაძლებლობა აქვთ ტაილანდის საზღვარზე აიღონ ტაილანდის ტურისტული ვიზა 15-დღიანი პერიოდით. ასევე, ძალაშია შესული და მოქმედებს მხარეებს შორის 2018 წლის 26 სექტემბერს ხელმოწერილი საქართველოსა და ტაილანდის სამეფოს მთავრობებს შორის შეთანხმება დიპლომატიური და ოფიციალური/სამსახურებრივი პასპორტების მფლობელთა ვიზის მიღების ვალდებულებისაგან გათავისუფლების შესახებ.

საქართველოსა და ტაილანდის მხარეებს შორის მიმდინარეობს მუშაობა მომავალში პირდაპირი რეგულარული რეისების დასაწყებად. ამასთან დაკავშირებით, 2019 წლის ნოემბერში ქ. თბილისში დაგეგმილია საქართველოს ეკონომიკისა და მდგრადი განვითარების სამინისტროსა და სამოქალაქო ავიაციის სააგენტოს, ასევე ტაილანდის სამოქალაქო ავიაციის უწყების წარმომადგენელთა მიერ მოლაპარაკებების გამართვა საქართველოსა და ტაილანდის სამეფოს მთავრობებს შორის საჰაერო მიმოსვლის შესახებ შეთანხმების პროექტზე.

აღსანიშნავია, რომ 2018 წლის მარტში საქართველოს ვიზიტით ეწვია ტაილანდის პრინცესა მაჰა ჩაკრი სირინდჰორნი, რომლის ვიზიტმა ასევე მნიშვნელოვნად შეუწყო ხელი ტაილანდიდან საქართველოში ტურისტების ნაკადის ზრდას. საქართველოს ტურიზმის ეროვნული ადმინისტრაციის მონაცემების თანახმად, მიმდინარე წლის 9 თვის განმავლობაში, ტაილანდიდან საქართველოს ეწვია 4,971 ვიზიტორი, რაც 110.4%-იან ზრდას შეადგენს გასული წლის ანალოგიურ მაჩვენებელთან შედარებით.

09-ნოემბერი-2019

09-ნოემბერი-2019

ქ. ნიუ დელიში საქართველოს საელჩოს განცხადება ინდოეთში მყოფ საქართველოს მოქალაქეთა საყურადღებოდ

საქართველოს საელჩო მოუწოდებს ინდოეთში მყოფ საქართველოს მოქალაქეებს გამოიჩინონ ყურადღება და სიფრთხილე.

05-ნოემბერი-2019

05-ნოემბერი-2019

საქართველოს ელჩი Tata Power-ის მთავარ აღმასრულებელ დირექტორს შეხვდა

2019 წლის 5 ნოემბერს ინდოეთში საქართველოს ელჩმა ბატონმა არჩილ ძულიაშვილმა შეხვედრა გამართა ინდური კომპანია Tata Power-ის მთავარ აღმასრულებელ ხელმძღვანელთან ბატონ პრავირ სინჰასთან.

25-ოქტომბერი-2019

25-ოქტომბერი-2019

ბანგკოკი-თბილისის მიმართულებით პირდაპირი ჩარტერული ავიარეისების განხორციელება დაიწყება

2019 წლის 28 დეკემბრიდან კომპანია "Thai AirAsia X" იწყებს ბანგკოკი-თბილისის მიმართულებით პირდაპირი ჩარტერული ავიარეისების განხორციელებას, რაც მნიშვნელოვნად შეუწყობს ხელს ორ ქვეყანას შორის ტურიზმის სფეროში თანამშრომლობის განვითარებას.

24-ოქტომბერი-2019

24-ოქტომბერი-2019

საქართველოს ელჩმა არჩილ ძულიაშვილმა, შეხვედრა გამართა ტაილანდის სავაჭრო პალატის ვიცე-თავმჯდომარეებთან

2019 წლის 24 ოქტომბერს, ტაილანდის სამეფოში საქართველოს ელჩმა (რეზიდენციით ქ. ნიუ დელიში) არჩილ ძულიაშვილმა, ბანგკოკში მისი სამუშაო ვიზიტის ფარგლებში შეხვედრა გამართა ტაილანდის სავაჭრო პალატის ვიცე-თავმჯდომარეებთან დოქტ. ჯინგჯაი ჰანჩანლაშთან და ბ-ნ ჩუსაკ ჩუენპრაიოთთან.

< 1 2 3 4 5  ... >