საიტზე მიმდინარეობს ტექნიკური სამუშაოები

დავით ზალკალიანი სოფელ გუგუტიანთკარში ჩავიდა

17.08.2019 - საქართველოს საგარეო საქმეთა მინისტრი დავით ზალკალიანი დღეს სოფელ გუგუტიანთკარში ჩავიდა.

საგარეო უწყების ხელმძღვანელი ადგილზე გაეცნო შექმნილ ვითარებას და ადგილობრივი მოსახლეობისგან მოისმინა ინფორმაცია მათი საჭიროებებისა და არსებული მდგომარეობის შესახებ.

დავით ზალკალიანმა მოსახლეობას მიაწოდა ამომწურავი ინფორმაცია საოკუპაციო ძალების უკანონო ქმედებებზე საგარეო საქმეთა სამინისტროს მიერ განხორციელებული სამუშაოების შესახებ.

მინისტრმა ადგილობრივი მუნიციპალიტეტის წარმომადგენლებთან ერთად განიხილა სოფელში არსებული ვითარება , მათ შორის ადგილზე ნახა საოკუპაციო ძალების მიერ დამონტაჟებული რკინის ღობეები.

“ჩემთვის ძალიან მნიშვნელოვანი იყო ადგილზე ვითარების გაცნობა. ერთია ინფორმაცია რომელსაც შესაბამისი სამსახურებისგან ვიღებ და მეორე ადგილზე ნანახი მდგომარეობა. სიტუაცია არის ძალიან დამთრგუნველი. საქართველოს ტერიტორიების ოკუპაცია გრძელდება. ეს არის ფაქტობრივი ანექსიისკენ გადადგმული ქმედებები,რასაც ჩვენი მხრიდან მოჰყვა და ყოველთვის მოჰყვება მყისიერი რეაგირება.

როგორც მინისტრმა აღნიშნა, საქართველოს აქვს ძალიან მყარი მხარდაჭერა და საოკუპაციო რეჟიმის ქმედებები დაგმობილია.

„მერწმუნეთ ყველაფერს ვაკეთებთ რაც კი რესურსი და საერთაშორისო მექანიზმი არსებობს. იოლი არ არის გაეროს უშიშროების საბჭოს დებატების მოწვევა და ჩვენ ესეც კი შევძელით. ძალიან მკაცრი და დამგმობი განცხადებები მოვისმინეთ ჩვენი პარტნიორების მხრიდან.“

დავით ზალკალიანის განცხადებით, საგარეო საქმეთა სამინისტრო 24 საათიან რეჟიმში მუშაობს, რათა მიმდინარე პროცესებთან დაკავშირებით საერთაშორისო პარტნიორები მუდმივად ინფორმირებულნი იყვნენ.

აღსანიშნავია, რომ საგარეო საქმეთა სამინისტროს ინიციატივით, 16 აგვისტოს, სოფელ გუგუტიანთკარში რუსეთის საოკუპაციო ძალების უკანონო ქმედებების ადგილზე გასაცნობად დიპლომატიური კორპუსის წარმომადგენლები მინისტრის მოადგილის ლაშა დარსალიასა და სამინისტროს სხვა ხელმძღვანელ პირებთან ერთად ჩავიდნენ.

30-აგვისტო-2019

30-აგვისტო-2019

საქართველოს საგარეო საქმეთა სამინისტროს განცხადება საქართველოს ხელისუფლების კონტროლირებად სოფელ ჩორჩანას სიახლოვეს, საოკუპაციო ხაზთან განვით...

საგარეო საქმეთა სამინისტრო გამოხატავს შეშფოთებას საქართველოს ხელისუფლების მიერ კონტროლირებად ტერიტორიაზე მდებარე სოფელ ჩორჩანას სიახლოვეს, საოკუპაციო ხაზთან, საოკუპაციო ძალების მიერ სამხედრო ტექნიკისა და პერსონალის მობილიზების გამო.

30-აგვისტო-2019

30-აგვისტო-2019

“პარტნიორები არიან სრულად ინფორმირებულნი და მათი მხრიდან ამოქმედებულია ყველა მექანიზმი იმისათვის, რომ ამ ვითარებიდან გამოვიდეთ მშვიდად, გართ...

30.08.2019 ქ. თბილისი- “პარტნიორები არიან სრულად ინფორმირებულნი და მათი მხრიდან ამოქმედებულია ყველა მექანიზმი იმისათვის, რომ ამ ვითარებიდან გამოვიდეთ მშვიდად, გართულებების გარეშე - ამის შესახებ საქრათველოს საგარეო სამეთა მინისტრმა დავით ზალკალიანმა სოფელ ჩორჩანაში განვითარებულ მოვლენებთან დაკავშირებ...

28-აგვისტო-2019

28-აგვისტო-2019

საქართველოს საგარეო საქმეთა მინისტრმა სატელეფონო საუბარი გამართა გაეროს გენერალურ მიდვანთან

საქართველოს საგარეო საქმეთა მინისტრმა დავით ზალკალიანმა სატელეფონო საუბარი გამართა გაეროს გენერალურ მდივანთან ანტონიო გუტერეშთან.

26-აგვისტო-2019

26-აგვისტო-2019

ევროპისა და ამერიკის ქვეყნებმა ერთობლივი განცხადებით დაგმეს ოკუპირებულ აფხაზეთში გამართული ე.წ. არჩევნები

ევროპისა და ამერიკის ქვეყნებმა ერთობლივი განცხადებით დაგმეს ოკუპირებულ აფხაზეთის რეგიონში 2019 წლის 25 აგვისტოს გამართული ე.წ. საპრეზიდენტო არჩევნები და მოუწოდეს რუსეთის ფედერაციას, უკან წაიღოს თავისი უკანონო გადაწყვეტილება საქართველოს აფხაზეთისა და ცხინვალის რეგიონების ე.წ. დამოუკიდებლობის აღიარები...

< 1 2 3 4 5  ... >