ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

შეხვედრა ინდოეთის რესპუბლიკის საგარეო საქმეთა მინისტრის მოადგილესთან

India/1.jpg"ამბასადორიალი 2016"-ის ფარგლებში საპატიო სტუმრის სტატუსით მონაწილეებს სიტყვით მიმართა ინდოეთის რესპუბლიკის საგარეო საქმეთა მინისტრის მოადგილემ სუჯატა მეჰტამ.

მინისტრის მოადგილემ საქართველო-ინდოეთის ორმხრივი ურთოერთობების ძირითად მიმართულებებზე, გლობალური მასშტაბით ინდოეთის როლსა და ქვეყნის საგარეო პოლიტიკის პრიორიტეტებზე ისაუბრა.

ამბასადორიალის ფარგლებში სუჯატა მეჰტამ ორმხრივი შეხვედრა გამართა საქართველოს საგარეო საქმეთა მინისტრთან მიხეილ ჯანელიძესთან.

"საკმაოდ აქტიური სესია იყო. საშუალება მომეცა ელჩებისთვის გამეცნო ინდოეთის ხედვა მსოფლიოს მიმართ და თუ როგორ განვითარდა ინდოეთის პოლიტიკა საერთაშორისო საკითხებთან მიმართებაში. ასევე მოვისმინე ელჩების მოსაზრებები სხვადახვა საკითხთან დაკავშირებით" - განაცხადა სუჯატა მეჰტამ.

ინდოეთის საგარეო საქმეთა სამინისტროს დელეგაციას, რომელსაც ხელმძღვანელობს ინდოეთის საგარეო საქმეთა მინისტრის მოადგილე სუჯატა მეჰტა საქართველოს ოფიციალური ვიზიტით 25-26 ივლისს ეწვია. დელეგაციის ვიზიტის ფარგლებში ჩატარდა საქართველო-ინდოეთის სამთავრობოთაშორისი ეკონომიკური კომისიის მეორე სხდომა და ასევე საქართველოსა და ინდოეთის საგარეო საქმეთა სამინისტროებს შორის პოლიტიკური კონსულტაციების მე-5 რაუნდი. შეხვედრებზე განხილულ იქნა ორმხრივი თანამშრომლობის სრული სპექტრი, როგორც პოლიტიკური და ეკონომიკური მიმართულებით ასევე კულტურული, განათლების და სექტორალური თანამშრომლობის კუთხით. მხარეებმა დაადასტურეს მზარდი ინტერესი ურთიერთ თანამშრომლობის შემდგომი გაძლიერებისა და განვითარების მიმართულებით.

 

India/2.jpgIndia/3.jpg

 
 
კვ ორ სა ოთ ხუ პა შა
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

დიასპორის სტრატეგია

 

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ