საიტზე მიმდინარეობს ტექნიკური სამუშაოები

ინფორმაცია ევროპის საბჭოს გენერალური მდივნის 24-ე კონსოლიდირებული ანგარიშის "კონფლიქტი საქართველოში" განხილვის შესახებ

2021 წლის 10 ნოემბერს ევროპის საბჭოს მინისტრთა მოადგილეების სხდომაზე განხილულ იქნა ევროპის საბჭოს გენერალური მდივნის 24-ე კონსოლიდირებული ანგარიში - „კონფლიქტი საქართველოში“. სხდომაში მონაწილეობა მიიღო საგარეო საქმეთა მინისტრის პირველმა მოადგილემ, ლაშა დარსალიამ.
 
გენერალური მდივნის კონსოლიდირებული ანგარიში აღწერს 2021 წლის აპრილიდან სექტემბრის ჩათვლით საქართველოს ოკუპირებულ ტერიტორიებზე და საოკუპაციო ხაზის გასწვრივ უსაფრთხოების, ადამიანის უფლებებისა და ჰუმანიტარული კუთხით არსებულ მძიმე მდგომარეობას.
 
ანგარიშში აღნიშნულია, რომ საქართველოს მთავრობა გმობს რუსეთის ფედერაციასა და ცხინვალში მის საოკუპაციო რეჟიმს შორის ე.წ. შეთანხმებას ორმაგი (რუსული) მოქალაქეობის გამარტივებული წესით მიღების შესახებ. აქვე, ხაზგასმულია, რომ საქართველოს მთავრობა შეშფოთებას გამოთქვამს რუსეთის ფედერაციის საკადასტრო რუკაში აფხაზეთის რეგიონის სოფელ აიბღას ნაწილის თავის ტერიტორიად გაფორმებით. აღნიშნული რუსეთის მხრიდან საქართველოს ტერიტორიის ანექსიის მცდელობას წარმოადგენს.
 
კონსოლიდირებული ანგარიში საუბრობს უკანონოდ დაკავებული ირაკლი ბებუას შესახებ და ხაზს უსვამს, რომ ქართულმა მხარემ დააყენა მისი დაუყოვნებლივი გათავისუფლების საკითხი.
 
მნიშვნელოვანია, რომ ანგარიში ხაზს უსვამს არჩილ ტატუნაშვილის, გიგა ოთხოზორიას, ირაკლი კვარაცხელიას და ინალ ჯაბიევის სიცოცხლის ხელყოფის შემთხვევების სათანადო გამოძიებისა და მართლმსაჯულების აღსრულების მნიშვნელობას და აღნიშნავს, რომ ამ მხრივ პროგრესი არ მიღწეულა.
 
ანგარიშის თანახმად, ოკუპირებულ რეგიონებში ჰუმანიტარული მდგომარეობა მძიმეა, განსაკუთრებით ეთნიკური ქართველებით დასახლებულ გალის და ახალგორის რაიონებში.
 
ამასთანავე, ანგარიში ყურადღებას ამახვილებს საქართველოს მთავრობის სამშვიდობო ინიციატივებზე და ოკუპირებულ რეგიონებში მცხოვრები მოსახლეობისთვის ჯანდაცვის და სხვა სოციალური დახმარების შესაძლებლობების შესაქმნელად მიმართულ ძალისხმევაზე. საქართველოს მთავრობის მიერ შემუშავებული „დეოკუპაციისა და კონფლიქტის მშვიდობიანი მოგვარებისთვის საქართველოს სახელმწიფო სტრატეგიის“ შესახებ საუბრისას ანგარიშში აღნიშნულია, რომ სტრატეგიის მიზანია საქართველოს ტერიტორიების დეოკუპაცია და დაშორიშორებული საზოგადოებების შერიგება და ჩართულობა.
 
გენერალური მდივნის 24-ე კონსოლიდირებული ანგარიშის განხილვისას სიტყვით გამოვიდა საგარეო საქმეთა მინისტრის პირველი მოადგილე, ლაშა დარსალია, რომელმაც  სხდომის მონაწილეებს მიაწოდა ინფორმაცია რუსეთის მიერ საქართველოს რეგიონების ოკუპაციასა და ადგილზე უსაფრთხოების, ადამიანის უფლებების და ჰუმანიტარული კუთხით არსებულ მძიმე ვითარებაზე.
 
მინისტრის მოადგილემ ისაუბრა ოკუპირებულ რეგიონებში ადამიანის უფლებების სერიოზულ დარღვევებზე. მათ შორის აღნიშნა, რომ საოკუპაციო რეჟიმების მიერ მავთულხლართების უკანონო მონტაჟმა, საოკუპაციო ხაზის ხანგრძლივმა ჩაკეტვამ და სამედიცინო ევაკუაციაზე უარმა განსაკუთრებით ნეგატიური ჰუმანიტარული ზეგავლენა მოახდინა იქ მცხოვრებ ადამიანებზე, რასაც მსხვერპლიც მოჰყვა.
 
მინისტრის პირველმა მოადგილემ განსაკუთრებული აქცენტი გააკეთა უკანონოდ დაკავებული ირაკლი ბებუას შემთხვევაზე, რომლის უპირობო გათავისუფლება გადაუდებელი ჰუმანიტარული საკითხია მისი ჯანმრთელობის მძიმე მდგომარეობის გათვალისწინებით. ლაშა დარსალიამ მოუწოდა რუსეთის ფედერაციას, დაუყოვნებლივ გაათავისუფლოს ირაკლი ბებუა და სხვა უკანონოდ დაკავებული პირები.
 
სხდომაზე მინისტრის პირველმა მოადგილემ კიდევ ერთხელ გაუსვა ხაზი საქართველოს მთავრობის მიერ კონფლიქტების მშვიდობიანი მოგვარების პოლიტიკისადმი ერთგულებას და მინისტრთა კომიტეტს ინფორმაცია მიაწოდა „დეოკუპაციისა და კონფლიქტების მშვიდობიანი მოგვარების სახელმწიფო სტრატეგიის“ შემუშავების ინკლუზიური პროცესის შესახებ. აქვე, ხაზი გაუსვა კონფლიქტების მოგვარების მშვიდობიანი პროცესში საერთაშორისო პარტნიორების ჩართულობის მნიშვნელობას.
 
აღსანიშნავია, რომ კონსოლიდირებული ანგარიშის - „კონფლიქტი საქართველოში“ განხილვისას მხარდამჭერი განცხადება გავრცელდა ევროკავშირი სახელით.
 
საქართველოს საგარეო საქმეთა სამინისტრო მიესალმება ევროპის საბჭოს გენერალური მდივნის 24-ე კონსოლიდირებულ ანგარიშს და ხაზს უსვამს აღნიშნული საკითხის ევროპის საბჭოს პოლიტიკურ დღის წესრიგში შენარჩუნების მნიშვნელობას.
 
იხილეთ: ევროპის საბჭოს გენერალური მდივნის 24-ე კონსოლიდირებული ანგარიში - "კონფლიქტი საქართველოში"
 
ევროკავშირის განცხადება: გენერალური მდივნის 24-ე კონსოლიდირებული ანგარიშის "კონფლიქტი საქართველოში"

11-აპრილი-2022

11-აპრილი-2022

საქართველოს ევროკავშირის კანდიდატის სტატუსის თვითშეფასების კითხვარი გადაეცა

11 აპრილს, ქ. ლუქსემბურგში საქართველოს გადმოეცა ევროკავშირის კანდიდატის სტატუსის თვითშეფასების კითხვარი, რომლის საფუძველზეც ევროკომისია მოამზადებს საკუთარ შეფასების ანგარიშს (Opinion), ქვეყნისათვის კანდიდატი სტატუსის მინიჭებასთან დაკავშირებით.

04-აპრილი-2022

04-აპრილი-2022

საგარეო საქმეთა მინისტრის თანამდებობაზე ილია დარჩიაშვილი დაინიშნა

საგარეო საქმეთა მინისტრის თანამდებობაზე ილია დარჩიაშვილი დაინიშნა. შესაბამისი განცხადება საქართველოს-პრემიერ მინისტრმა, ირაკლი ღარიბაშვილმა მთავრობის ადმინისტრაციაში გამართულ ბრიფინგზე გააკეთა.

22-მარტი-2022

22-მარტი-2022

საქართველოს საგანგებო და სრულუფლებიანი ელჩის ბატონი არჩილ ძულიაშვილის სამუშაო ვიზიტი ინდოეთის ასამის შტატში

2022 წლის 18-21 მარტს, ასამის შტატში სამუშაო ვიზიტის ფარგლებში, გაიმართა საქართველოს ელჩის, ბატონი არჩილ ძულიაშვილის შეხვედრა შტატის მთავარ მინისტრთან, ჰიმანტა ბისვა სარმასთან. შეხვედრაზე განხილული იქნა საერთო ინტერესის სხვადასხვა საკითხი, ასევე საქართველოსა და ასამს შორის სხვადასხვა სფეროში ორმხრივ...

18-მარტი-2022

18-მარტი-2022

ეუთო-ში საქართველოს მეგობართა ჯგუფმა გააკეთა ერთობლივი განცხადება, რომ არ აღიარებს მ.წ. წლის 12 მარტს საქართველოს აფხაზეთის რეგიონში ჩატარებ...

18 მარტს, ეუთო-ში საქართველოს მეგობართა ჯგუფმა (ბულგარეთი, კანადა, ჩეხეთის რესპუბლიკა, ესტონეთი, ფინეთი, ისლანდია, ირლანდია, ლატვია, ლიეტუვა, ნორვეგია, პოლონეთი, რუმინეთი, სლოვაკეთი, შვედეთი, უკრაინა, გაერთიანებული სამეფო, აშშ) გააკეთა ერთობლივი განცხადება, რომელშიც ხაზს უსვამს, რომ არ აღიარებს მ.წ....

< 1 2 3 4 5  ... >