საიტზე მიმდინარეობს ტექნიკური სამუშაოები

დავით ზალკალიანი ჯოზეფ ბორელთან შეხვდერაზე: „ჩვენ გვაქვს ჩვენი ევროპელი პარტნიორების ძლიერი მხარდაჭერა“

საქართველოს ვიცე-პრემიერმა, საგარეო საქმეთა მინისტრმა დავით ზალკალიანმა, „ღამის კურიერში“, ბრიუსელში მიმდინარე აღმოსავლეთ პარტნიორობის სამიტის ფარგლებში, ევროკავშირის უმაღლეს წარმომადგენელთან, ჯოზეფ ბორელთან გამართულ შეხვედრაზე ისაუბრა. 

„ჯოზეფ ბორელთან, ჩვენ ვისაუბრეთ რეგიონში შექმნილ სიტუაციასთან დაკავშირებით. პირველ რიგში, რა თქმა უნდა, ჩემი მხრიდან აქცენტები იყო გაკეთებული ოკუპირებულ ტერიტორიებზე შექმნილ მძიმე ჰუმანიტარულ სიტუაციაზე, იმ უკანონო დაკავებებზე, რომელთაც ადგილი ჰქონდა სულ რამდენიმე დღის წინ და ჩვენს მოქალაქეებზე, რომლებიც ამ წუთებშიც იმყოფებიან უკანონო ტყვეობაში ცხინვალის საპატიმროში, იმის აუცილებლობაზე, რომ გაძლიერდეს საერთაშორისო თანამეგბრობის ასეთი ქმედებების აღსაკვეთად,“ - განაცხადა ზალკალიანმა. 

საგარეო უწყების ხელმძღვანელმა აღნიშნა, რომ მსგავს აგრესიულ პოლიტიკასა და უკანონო ქმედებებს ოკუპირებულ ტერიტორიეზბე ადგილი უკვე ჰქონია, სადაც საქართველომ თავის საერთაშორისო პარტნიორებთან ერთად ყველა ზომას მიმართა მათ აღსაკვეთად. მისივე თქმით, ამ მიმართულებით თანამშრომლობა კიდევ გაგრძელდება.
 
დავით ზალკალიანმა ასევე განმარტა, რომ შეხვედრაზე მხარეებმა რეგიონში განვითარებულ მოვლენებზეც გაამახვილეს ყურადღება. 
„ვისაუბრეთ რეგიონში შექმნილ სიტუაციასთან დაკავშირებით, კერძოდ სამხრეთ კავკასიაში არსებულ სიტუაციზე. უაღრესად პოზიტიურად იქნა შეფასებული ის მედიაცია, რომელიც საქართველოს პრემიერ-მინისტრმა გაწია აზერბაიჯანსა და სომხეთს შორის. მოგეხსენებათ, პირველი იყო საქართველო და საქართველოს პრემიერ-მინისტრის მედიაციის შედეგად მოხდა დაკავებულების გათავისუფლება და იმ რუკების მიწოდება, რომელიც აზერბაიჯანისთვის იყო მნიშვნელოვანი. ევროკავშირისთვის ასევე ცნობილია ჩვენი ინიციატივის შესახებ, რომ თბილისი იქცეს ერთგვარ პლატფორმად დიალოგისთვის სამხრეთ კავკასიის სამ ქვეყანას შორის. სწორედ ამ თემაზე მქონდა მასთან საუბარი და ამ მიმართულებითაც ჩვენ გვაქვს ევროკავშირის ძლიერი მხარდაჭერა. გუშინ, ევროპული საბჭოს პრეზიდენტის ინიციატივით გაიმართა შეხვედრა აზერბაიჯანისა და სომხეთის ლიდერებს შორის. ჩვენი სურვილია, რომ საქართველოც სამმხრივ ფორმატში იყოს წარმოდგენილი ძლიერად და ამაში ჩვენ გვაქვს ჩვენი ევროპელი პარტნიორების მხარდაჭერა,“ - განმარტა საგარეო უწყების ხელმძღვანელმა. 

17-მარტი-2022

17-მარტი-2022

ბენგალურ ენაზე გამოცემული "ვეფხისტყაოსნის" პრეზენტაცია

2022 წლის 5 მარტს, ბანგლადეშში საქართველოს საპატიო საკონსულოს ორგანიზებით გაიმართა ბენგალურ ენაზე გამოცემული "ვეფხისტყაოსნის" პრეზენტაცია, რომელსაც დაესწრნენ ბანგლადეშის სამთავრობო წრეებისა და ქ. დაკაში აკრედიტებული დიპლომატიური კორპუსის წარმომადგენლები, ასევე ბანგლადეშურ საზოგადოებაში გამოჩენილი ს...

14-მარტი-2022

14-მარტი-2022

საქართველოს საგანგებო და სრულუფლებიანი ელჩის ბატონი არჩილ ძულიაშვილის სამუშაო ვიზიტი ნეპალის ფედერაციულ რესპუბლიკაში

2022 წლის 7-9 მარტს, ნეპალის ფედერაციულ დემოკრატიულ რესპუბლიკაში სამუშაო ვიზიტის ფარგლებში, გაიმართა საქართველოს ელჩის (რეზიდენციით ქ. დელი), ბატონი არჩილ ძულიაშვილის შეხვედრები ნეპალის ფედერაციული დემოკრატიული რესპუბლიკის პრეზიდენტთან, ქალბატონ ბიდია დევი ბჰანდარისთან და ნეპალის ფედერაციული დემოკრა...

10-მარტი-2022

10-მარტი-2022

საქართველოს ელჩის ბ-ნი არჩილ ძულიაშვილის შეხვედრა ბანგლადეშის სახალხო რესპუბლიკის საგარეო საქმეთა მინისტრთან, აბდულ მომენთან

2022 წლის 6 მარტს, ბანგლადეშის სახალხო რესპუბლიკაში სამუშაო ვიზიტის ფარგლებში, გაიმართა საქართველოს ელჩის (რეზიდენციით ქ. დელი) შეხვედრა ბანგლადეშის სახალხო რესპუბლიკის საგარეო საქმეთა მინისტრთან, აბდულ მომენთან.

27-თებერვალი-2022

27-თებერვალი-2022

დავით ზალკალიანმა ჯოზეფ ბორელთან სატელეფონო საუბარი გამართა

2022 წლის 26 თებერვალს, გაიმართა სატელეფონო საუბარი საქართველოს ვიცე-პრემიერ, საგარეო საქმეთა მინისტრ დავით ზალკალიანსა და საგარეო პოლიტიკისა და უსაფრთხოების საკითხებში ევროკავშირის უმაღლეს წარმომადგენელს ჯოზეფ ბორელის შორის.

< 1 2 3 4 5  ... >