საქართველოს საგანგებო და სრულუფლებიანმა ელჩმა ინდოეთის რესპუბლიკაში, ვახტანგ ჯაოშვილმა რწმუნებათა სიგელი გადასცა ინდოეთის რესპუბლიკის პრეზიდენტს, დრუპადი მურმუს
2024 წლის 27 მარტს, საქართველოს საგანგებო და სრულუფლებიანმა ელჩმა ინდოეთის რესპუბლიკაში, ვახტანგ ჯაოშვილმა რწმუნებათა სიგელი გადასცა ინდოეთის რესპუბლიკის პრეზიდენტს, დრუპადი მურმუს.
საზეიმო ცერემონიის დასრულების შემდეგ გამართული შეხვედრისას პრეზიდენტმა მაღალი შეფასება მისცა ინდოეთისა და საქართველოს ურთიერთობებს, ხაზი გაუსვა პოლიტიკური და ეკონომიკური კავშირების ინტენსიფიკაციის მნიშვნელობას.
საქართველოს ელჩმა მადლიერება გამოხატა საქართველოს ტერიტორიული მთლიანობის მხარდაჭერისთვის, მიესალმა ინდოეთის რესპუბლიკის მთავრობის გადაწყვეტილებას თბილისში საელჩოს გახსნის თაობაზე და გამოხატა იმედი, რომ აღნიშნული ხელს შეუწყობს სხვადასხვა სფეროში ურთიერთსასარგებლო თანამშრომლობის შემდგომ განვითარებას. ელჩმა, ასევე, ხაზი გაუსვა მაღალი და უმაღლესი დონის ვიზიტების მნიშვნელობას.
პრეზიდენტმა დრუპადი მურმუსმა ვახტანგ ჯაოშვილს მის შემდგომ საქმიანობაში წარმატება უსურვა.
