საიტზე მიმდინარეობს ტექნიკური სამუშაოები

დავით ზალკალიანი აშშ-ის სახელმწიფო მდივნის თანაშემწის მოადგილეს შეხვდა

2021 წლის 8 ნოემბერს, საქართველოს ვიცე-პრემიერმა, საგარეო საქმეთა მინისტრმა, დავით ზალკალიანმა შეხვედრა გამართა აშშ-ის სახელმწიფო მდივნის თანაშემწის მოადგილესთან, ერიკა ოლსონთან, რომელიც საქართველოში სამხრეთ კავკასიის რეგიონული ტურნეს ფარგლებში იმყოფება. დავით ზალკალიანი მიესალმა ერიკა ოლსონის პირველ ვიზიტს საქართველოში სახელმწიფო მდივნის თანაშემწის მოადგილის რანგში და მას შემდგომ საქმიანობაში წარმატებები უსურვა. მხარეებმა შეხვედრისას აშშ-საქართველოს სტრატეგიული პარტნიორობის საკითხების ფართო სპექტრი, ასევე, შავი ზღვისა და სამხრეთ კავკასიის რეგიონში არსებული უსაფრთხოების გარემო და ბოლოდროინდელი განვითარებები განიხილეს. 

აშშ-საქართველოს სტრატეგიულ პარტნიორობაზე საუბრისას ხაზი გაესვა ქვეყნებს შორის არსებული მტკიცე თანამშრომლობის განსაკუთრებულ მნიშვნელობას, მათ შორის, რეგიონში არსებული გამოწვევების ფონზე. დავით ზალკალიანმა მადლიერება გამოხატა ბოლო 30 წლის განმავლობაში აშშ-ის მხარდაჭერისთვის საქართველოს დემოკრატიული რეფორმებისა და მდგრადი ეკონომიკური განვითარების, ასევე,  საქართველოს თავდაცვისუნარიანობის გაძლიერებისა და ევროპული და ევროატლანტიკური ინტეგრაციის პროცესში. 

შეხვედრისას საგანგებო ყურადღება დაეთმო საქართველოს ოკუპირებულ რეგიონებში არსებულ უსაფრთხოების გარემოსა და მძიმე ჰუმანიტარულ ვითარებას. თავის მხრივ, ერიკა ოლსონმა კიდევ ერთხელ დაადასტურა საქართველოს სუვერენიტეტისა და ტერიტორიული მთლიანობისადმი აშშ-ის ურყევი მხარდაჭერა. მხარეებმა, ასევე, ყურადღება გაამახვილეს საქართველოს ხელისუფლების მიერ ინიცირებული „ნაბიჯი უკეთესი მომავლისკენ“ მიმდინარეობასა და საქართველოს ხელისუფლების ძალისხმევაზე დეოკუპაციისა და კონფლიქტის მშვიდობიანი მოგვარების მიმართულებით. ხაზი გაესვა საერთაშორისო თანამეგობრობის ჩართულობისა და მხარდაჭერის მნიშვნელობას ამ პროცესში. 

შეხვედრაზე საუბარი შეეხო შავი ზღვისა და სამხრეთ კავკასიის რეგიონში არსებულ უსაფრთხოების გამოწვევებსა და მშვიდობისა და სტაბილურობის უზრუნველყოფის მიზნით თანამშრომლობის მნიშვნელობას. მხარეებმა სამხრეთ კავკასიის რეგიონში ნდობის აღდგენისა და მშვიდობისა და სტაბილურობის ხელშეწყობის მიზნით საქართველოს ინიციატივები განიხილეს და ამ პროცესში აშშ-ის მხარდაჭერის მნიშვნელობას გაუსვეს ხაზი.

სახელმწიფო მდივნის თანაშემწის მოადგილემ განსაკუთრებული მადლიერება გამოხატა  რეგიონული და საერთო ევროატლანტიკური უსაფრთხოების განმტკიცებაში, მათ შორის, ავღანეთიდან გადაუდებელი ევაკუაციის პროცესში საქართველოს მიერ შეტანილი წვლილისთვის და კიდევ ერთხელ დაადასტურა აშშ-ის მხარდაჭერა საქართველოს ევროატლანტიკური ინტეგრაციის მიმართ. მხარეებმა გამოხატეს მზაობა განაგრძონ მუშაობა აშშ-საქართველოს პარტნიორობის გასაღრმავებლად ყველა პრიორიტეტული მიმართულებით.

11-აპრილი-2022

11-აპრილი-2022

საქართველოს ევროკავშირის კანდიდატის სტატუსის თვითშეფასების კითხვარი გადაეცა

11 აპრილს, ქ. ლუქსემბურგში საქართველოს გადმოეცა ევროკავშირის კანდიდატის სტატუსის თვითშეფასების კითხვარი, რომლის საფუძველზეც ევროკომისია მოამზადებს საკუთარ შეფასების ანგარიშს (Opinion), ქვეყნისათვის კანდიდატი სტატუსის მინიჭებასთან დაკავშირებით.

04-აპრილი-2022

04-აპრილი-2022

საგარეო საქმეთა მინისტრის თანამდებობაზე ილია დარჩიაშვილი დაინიშნა

საგარეო საქმეთა მინისტრის თანამდებობაზე ილია დარჩიაშვილი დაინიშნა. შესაბამისი განცხადება საქართველოს-პრემიერ მინისტრმა, ირაკლი ღარიბაშვილმა მთავრობის ადმინისტრაციაში გამართულ ბრიფინგზე გააკეთა.

22-მარტი-2022

22-მარტი-2022

საქართველოს საგანგებო და სრულუფლებიანი ელჩის ბატონი არჩილ ძულიაშვილის სამუშაო ვიზიტი ინდოეთის ასამის შტატში

2022 წლის 18-21 მარტს, ასამის შტატში სამუშაო ვიზიტის ფარგლებში, გაიმართა საქართველოს ელჩის, ბატონი არჩილ ძულიაშვილის შეხვედრა შტატის მთავარ მინისტრთან, ჰიმანტა ბისვა სარმასთან. შეხვედრაზე განხილული იქნა საერთო ინტერესის სხვადასხვა საკითხი, ასევე საქართველოსა და ასამს შორის სხვადასხვა სფეროში ორმხრივ...

18-მარტი-2022

18-მარტი-2022

ეუთო-ში საქართველოს მეგობართა ჯგუფმა გააკეთა ერთობლივი განცხადება, რომ არ აღიარებს მ.წ. წლის 12 მარტს საქართველოს აფხაზეთის რეგიონში ჩატარებ...

18 მარტს, ეუთო-ში საქართველოს მეგობართა ჯგუფმა (ბულგარეთი, კანადა, ჩეხეთის რესპუბლიკა, ესტონეთი, ფინეთი, ისლანდია, ირლანდია, ლატვია, ლიეტუვა, ნორვეგია, პოლონეთი, რუმინეთი, სლოვაკეთი, შვედეთი, უკრაინა, გაერთიანებული სამეფო, აშშ) გააკეთა ერთობლივი განცხადება, რომელშიც ხაზს უსვამს, რომ არ აღიარებს მ.წ....

< 1 2 3 4 5  ... >