საიტზე მიმდინარეობს ტექნიკური სამუშაოები

“პატარა ქვეყნის დიპლომატია ეგზისტენციალურია, თქვენ ხელშია ქვეყნის რეპუტაცია, მის მიმართ ნდობა, და მაშასადამე მისი მხარდაჭერა" - სალომე ზურაბიშვილი

22 დეკემბერს, საქართველოს პრეზიდენტმა სალომე ზურაბიშვილმა  ელჩების კონფერენციაში  – "საქართველოს საგარეო პოლიტიკა, ახალი გეოპოლიტიკური გამოწვევების ფონზე" მიიღო მონაწილეობა და საქართველოს დიპლომატიური წარმომადგენლობების ხელმძღვანელებს მიმართა. 

ღონისძიებაზე, რომელიც ონლაინ ფორმატში ტარდება, პრეზიდენტმა  როგორც ქვეყანაში ასევე, მსოფლიოში არსებულ ვითარებაზე ისაუბრა. მან ხაზი გაუსვა, კრიზისიდან გამოსავლის ძიების მნიშვნელობას და ამ პროცესში დიპლომატების როლს. 

"პანდემიამ გვაჩვენა, რომ სოლიდარობის გარეშე მას ვერ დავამარცხებთ. ესკალაცია ყოველდღიურად გვიჩვენებს, რომ რეალური დიალოგის გარეშე დეესკალაცია და მდგრადი სტაბილურობა ვერ მიიღწევა და შიგნით დაპირისპირებას და პოლარიზაციას ჩიხში შეჰყავს ქვეყანა". 

პრეზიდენტმა ისაუბრა ქვეყანაში მიმდინარე პროცესებზე და აღნიშნა, რომ კრიზისული სიტუაციიდან გამოსვლას დიდი ძალისხმევა სჭირდება. ხაზი გაუსვა ეროვნული თანხმობისა და დიალოგისკენ მიმავალი პროცესის დაწყებას და მასში ქვეყნის დიპლომატიური სამსახურის სრული მხარდაჭერის  მნიშვნელობას.

"ეს პროცესი უნდა იყოს მხარდაჭერილი ჩვენი პარტნიორი ქვეყნებისა და ჩვენი დიასპორისგან, რომელთანაც უნდა დაამყაროთ ბევრად ღრმა ურთიერთობები.
არაერთხელ მითქვამს, რომ პატარა ქვეყნის დიპლომატია ეგზისტენციალურია, თქვენ ხელშია ქვეყნის რეპუტაცია, მის მიმართ ნდობა, და მაშასადამე მისი მხარდაჭერა.  როგორც ყველა ჩვენგანს, თქვენც ბევრად მეტი გმართებთ, არასოდეს არ უნდა იფიქროთ, რომ რასაც აკეთებთ საკმარისია და ამით დაკმაყოფილდეთ, ყოველთვის მეტი უნდა ისურვოთ და მეტს მივაღწევთ."

სალომე ზურაბიშვილა, თავის გამოსვლაში ასევე ისაუბრა რეგიონში მიმდინარე პროცესებზე და სოლიდარობა და მხარდაჭერა გამოუცხადა უკრაინას, მის ტერიტორიულ მთლიანობას და სუვერენიტეტს. 

სალომე ზურაბიშვილმა ხაზი გაუსვა  კონფლიქტების მოგვარებაში ქალების როლს და აღნიშნა, რომ მომავალი წლის მაისში ეუთოს ეგიდითა და ეუთოს თავმჯდომარე ქვეყნის პოლონეთის მხარდაჭერით, ქალი ლიდერების კონფერენცია მოიწვია.
პრეზიდენტმა კონფერენციის წარმატებით ჩატარებაში ელჩების აქტიური ჩართულობის იმედი გამოთქვა. 

ელჩების ყოველწლიური კონფერენციის პირველი დღე გახსნით სესიას, ევროპის სახელმწიფოებთან ურთიერთობას, ამერიკის ქვეყნებთან, მეზობელ სახელწმიფოებთან და აზია - წყნარი ოკეანის ქვეყნებთან თანამშრომლობას მიეძღვნა. გახსნით სესიაზე დიპლომატიური სამსახურის წარმომადგენლებს საქართველოს პრეზიდენტმა და საქართველოს პრემიერ-მინისტრმა მიმართეს.
 
კონფერენცია 23-24 დეკემბერს სხვდასხვა თემატური სამუშაო სესიებით გაგრძელდება.

11-აპრილი-2022

11-აპრილი-2022

საქართველოს ევროკავშირის კანდიდატის სტატუსის თვითშეფასების კითხვარი გადაეცა

11 აპრილს, ქ. ლუქსემბურგში საქართველოს გადმოეცა ევროკავშირის კანდიდატის სტატუსის თვითშეფასების კითხვარი, რომლის საფუძველზეც ევროკომისია მოამზადებს საკუთარ შეფასების ანგარიშს (Opinion), ქვეყნისათვის კანდიდატი სტატუსის მინიჭებასთან დაკავშირებით.

04-აპრილი-2022

04-აპრილი-2022

საგარეო საქმეთა მინისტრის თანამდებობაზე ილია დარჩიაშვილი დაინიშნა

საგარეო საქმეთა მინისტრის თანამდებობაზე ილია დარჩიაშვილი დაინიშნა. შესაბამისი განცხადება საქართველოს-პრემიერ მინისტრმა, ირაკლი ღარიბაშვილმა მთავრობის ადმინისტრაციაში გამართულ ბრიფინგზე გააკეთა.

22-მარტი-2022

22-მარტი-2022

საქართველოს საგანგებო და სრულუფლებიანი ელჩის ბატონი არჩილ ძულიაშვილის სამუშაო ვიზიტი ინდოეთის ასამის შტატში

2022 წლის 18-21 მარტს, ასამის შტატში სამუშაო ვიზიტის ფარგლებში, გაიმართა საქართველოს ელჩის, ბატონი არჩილ ძულიაშვილის შეხვედრა შტატის მთავარ მინისტრთან, ჰიმანტა ბისვა სარმასთან. შეხვედრაზე განხილული იქნა საერთო ინტერესის სხვადასხვა საკითხი, ასევე საქართველოსა და ასამს შორის სხვადასხვა სფეროში ორმხრივ...

18-მარტი-2022

18-მარტი-2022

ეუთო-ში საქართველოს მეგობართა ჯგუფმა გააკეთა ერთობლივი განცხადება, რომ არ აღიარებს მ.წ. წლის 12 მარტს საქართველოს აფხაზეთის რეგიონში ჩატარებ...

18 მარტს, ეუთო-ში საქართველოს მეგობართა ჯგუფმა (ბულგარეთი, კანადა, ჩეხეთის რესპუბლიკა, ესტონეთი, ფინეთი, ისლანდია, ირლანდია, ლატვია, ლიეტუვა, ნორვეგია, პოლონეთი, რუმინეთი, სლოვაკეთი, შვედეთი, უკრაინა, გაერთიანებული სამეფო, აშშ) გააკეთა ერთობლივი განცხადება, რომელშიც ხაზს უსვამს, რომ არ აღიარებს მ.წ....

< 1 2 3 4 5  ... >